Мини-музей. ГУО "Детский сад №1 г.Узда"

Дзяржаўная ўстанова адукацыі

“Дзіцячы сад №1 г.Узда”

ПАШПАРТ МІНІ-МУЗЕЯ

“ Беларуская хатка”

НАЗВА МІНІ-МУЗЕЯ: «Беларуская хатка».

ДАТА АДКРЫЦЦЯ: лістапад 2018 год.

ПРОФІЛЬ МІНІ-МУЗЕЯ: этнаграфічны.

МЭТА СТВАРЭННЯ МІНІ-МУЗЕЯ «БЕЛАРУСКАЯ ХАТКА» - стварэнне ўмоў для фарміравання, пашырэння і ўзбагачэння ўяўленняў выхаванцаў пра навакольны свет і родны край; далучэнне да агульначалавечых каштоўнасцяў, нацыянальных культурных традыцый; развіццё камунікатыўных здольнасцяў; выхаванне маральнасці, патрыятычных пачуццяў.

ЗАДАЧЫ:

Выхаванцы

Першая малодшая група

фарміраваць уяўленні пра:

даступныя выхаванцу культурныя каштоўнасці: горад, вёска, нацыянальныя святы і забавы;
родны край (расліны і жывёлы).

Другая малодшая група

фарміраваць уяўленні пра:

сваю малую радзіму – назва горада, пасёлка;
народныя і дзяржаўныя святы.

Сярэдняя група

фарміраваць уяўленні пра:

пра тое, што ў Рэспубліцы Беларусь жывуць беларусы, яны размаўляюць на беларускай і рускай мовах, сталіца Беларусі – Мінск;
свой горад, пасёлак, вуліцу;
нацыянальны сцяг, герб, гімн, пра народных гурояў, беларускія святы.

фарміраваць уменні:

далучацца да святкавання асноўных святочных дат дзяржавы.

Старшая група (5-6 гадоў)

фарміраваць уяўленні пра:

культурныя каштоўнасці;
сваю сям’ю (радавод: старадаўняя беларуская традыцыя; герб сям’і; будні і святы ў сям’і, традыцыі, сумесны адпачынак);
блізкіх, свякоў, іх заняткі;
тое, як жывуць людзі ў Рэспубліцы Беларусь, як дапамагаюць адзін аднаму;
геаграфічнае размяшчэнне Рэспублікі Беларусь, з якімі дзяржавамі мяжуе;
сімвалы беларускай дзяржавы (флаг, герб), Беларусі (сасна, зубр, бусел, кветка льну, канюшыны, васілёк);
дзяржаўныя і народныя святы; дэкаратыўна-прыкладное мастацтва; народны лялечны тэатр;
выдатныя мясціны роднага горада, сяла, сталіцы рэспублікі, сваёй Радзімы.

Старшая група (6-7 гадоў)

фарміраваць уяўленні пра:

тое, як жывуць людзі ў Республіцы Беларусь, як працуюць, адпачываюць; дасягненнях людзей краіны ў працы, спорце, мастацтве;
людзей, якія ўславілі нашу Радзіму: асветнікаў, нацыянальных герояў, Прэзідэнта рэспублікі, дзеячаў мастацтва, навукоўцаў, касманаўтаў, спартсменаў і г.д.; фарміраваць уменні:
вылучаць Рэспубліку Беларусь сярод іншых карін свету;
называць гарады, рэкі, азёры, запаведнікі, выдатныя мясціны краіны;
праяўляць ацэначныя адносіны да падзей, фактаў, з’яў і г.д.

Бацькі

Далучаць дзяцей да культурнай спадчыны беларускага народа ў працэсе сямейнага выхавання.

Педагогі

Павышаць свой культурны ўзровень па пытаннях фарміравання ўяўленняў аб родным краі і нацыянальнай самасвядомасці ў выхаванцаў і бацькоў дзяцей дашкольнага ўзросту.

МЕСЦАЗНАХОДЖАННЕ: міні-музей

«Беларуская хатка» знаходзіцца побач з інфармацыйна-метадычным кабінетам у пераабсталяваным памяшканні дзяржаўнай установы дашкольнай адукацыі “Уздзенскі яслі-сад №1” па адрасу: 223411 Мінская вобласць, г. Узда, вуліца Калхозная д. 110. Плошча памяшкання – 30 м2, створаны ўмовы для правядзення розных відаў дзіцячай дзейнасці. Памяшканне абсталявана аўтаномнай пажарнай сігналізацыяй.

АГУЛЬНЫЯ ЗВЕСТКІ

Час работы:

панядзелак-пятніца з 10.00 да 16.00

перапынак з 12.00 да 12.30

Уваход вольны.

Для наведвання міні-музея выхаванцамі іншых устаноў адукацыі патрэбен папярэдні запіс па тэлефонам 8 (01718) 65946

АГУЛЬНАЯ КОЛЬКАСЦЬ ЭКСПАНАТАЎ - 80 адзінак.

КІРАЎНІК МІНІ-МУЗЕЯ

Кіраўніком міні-музея «Беларуская хатка» з’яўляецца загадчык – Казлова Алена Фёдараўна. Кантакты: 80297674562, электронная пошта gudo1.uzda@tut.by

САВЕТ МІНІ-МУЗЕЯ

Кіраўнік міні-музея: загадчык ДУДА “Уздзенскі яслі-сад №1” Казлова Алена фёдараўна.

Члены савета міні-музея:

Настаўнік-дэфектолаг Бондар Вольга Мікалаеўна
Педагог-псіхолаг Паўлянок Ірына Валер’еўна
Музычны кіраўнік Махнач Наталля Іванаўна
Выхавальнікі дашкольнай адукацыі: Рамановіч Жанна Антонаўна, Тоўстая Алеся Аляксандраўна, Азаркевіч Ірына Сцяпанаўна, Якуценка вольга Міхайлаўна.

ФУНКЦЫІ САВЕТА МІНІ-МУЗЕЯ

распрацоўка канцэпцыі развіцця міні-музея, гадавого плана работы; разгляданне патанняў уключэння ў асноўны фонд гістарычных, культурных і прыродных прадметаў, якія паступаюць у працесе камплектавання, пераводу з фонду навукова-дапаможных матэрыялаў у асноўны фонд;
стварэнне пошукавых, фондавых, экскурсійных і іншых груп;
арганізацыя вучобы груп (пошукавых, фондавых, экскурсійных і інш.), падрыхтоўка экскурсаводаў міні-музея ўстановы адукацыі;
падрыхтоўка юных экскурсаводаў, лектарскіх груп, распрацоўка тэматыкі масавых мерапрыемстваў, правядзенне мерапрыемстваў прафарыентацыйнай накіраванасці;
падрыхтоўка прэзентацыйных матэрыялаў на регіянальных і рэспубліканскіх узроўнях;
наладжванне ўзаеманаведвання міні-музея навучэнцамі іншых ўстаноў адукацыі;
ставарэнне лакальнага сайту міні-музея;
стварэнне і папаўненне медыятэкі;
фарміраванне электронных каталогаў;
стварэнне электроннай базы дадзеных фондаў міні-музея;
арганізацыя праектнай дзейнасці, якая прадугледжвае збор матэрыялаў у сетцы інтэрнету, пошук магчымых «сеткавых” партнёраў міні-музея; электронная перапіска з экспертамі музейнай справы; правядзенне сумесных праектаў з іншымі музеямі, установамі (арганізацыямі);
прымяненне камп’ютарнай тэхнікі для стварэння, тыражавання друкаваных і электронных матэрыялаў, стварэнне прэзентацый для выкарыстання ў адукацыйным працэсе і дэманстрацыі іх ў рамках мерпрыемстваў;
распрацоўка і рэалізацыя рэгіянальных праграм па выкарыстанні ў адукацыйным працэсе патэнцыялу міні-музея ўстановы дашкольнай адукацыі;
арганізацыя сістэмы мерапрыемстваў для павышэння прафесінага майстэрства кіраўніка, членаў савета міні-музея;
удасканаленне работы па арганізацыі камплектавання і ўліку музейных фондаў у адпаведнасці з патрабаваннямі;
выкарыстанне інавацыўных і інтэрактыўных форм работы ў мінімузеі ўстановы адукацыі;
умацаванне матэрыяльна-тэхнічнай базы міні-музея, абнаўленне экспазіцый міні-музея ў адпаведнасці з сучаснымі патрабаваннямі;
распрацоўка турыстка-экскурсійнай праграмы з улікам узроставых і індывідуальных асаблівасцей навучэнцаў, з уключэннем ў праграму наведванне міні-музея ўстановы адукацыі;
узаемадзеянне з установымі культуры і іншымі ўстановамі (арганізацыямі);
кантроль за эфектыўнасцю дзейнасці міні-музея.

МУЗЕЙНЫ ФОНД МІНІ-МУЗЕЯ ЎКЛЮЧАЕ Ў СЯБЕ:

асноўны фонд: ручнік, посцілка, абрус, вілкі, кросны, сальніца, гляк, збан, андарак, пісанка, гаршчок, кашуля, кошык, цацка саламяная «птушка», свісцёлка, фляндраваны посуд, шкатулка, куфэрак, серп, дыван, фіранка, брыль, спарышы, падсвечнік, печ, часалка, прас, міска, ночвы, начоўкі, калаўрот, гарлач, збан, лялька, лялька-абярэг «крупенічка», лялька-абярэг «кувадка», лялькаабярэг «пелянашка», лялька-абярэг «вяснушка», лялька-абярэг «багацце, урадлівасць», лялька-абярэг «благадаць», самавар, лыжка, лава, лаўка, качалкі, рубель, валок, калыска (люлька, зыбка), ложак, шкарпэткі, нагавіцы, штаны , порткі, цэбар, гэблік, фуганак, верацяно , лапці, макотра, макацёр, пацеркі, каралі, ранік, ступа, сурвэтка, фартýх, хустка, збан.
фонд навукова-дапаможных матэрыялаў: энцыклапедыі, пазнавальная, мастацкая, навукова-метадычаная літаратура, часопіс «Вясёлка», тэматычная папка для педагогаў з распрацоўкамі заняткаў, мерапрыемстваў і інш.
фонд сыравінных матэрыялаў: выбары дэкаратыўна-прыкладнога мастацтва з саломкі, гліны, лазы, дрэва, льну і інш. матэрыялаў.